اعلان سنيكرز كسر القاعدة - ووصل لنص مليون في 3 أيام

كيف حولت سنيكرز الأخطاء الإملائية لحملة عبقرية؟

هوية Snickers: العجينة الأساسية

مين فينا ميعرفش شوكولاتة سنيكرز والـ Tagline الخاص بيها: "أنت مش أنت، وأنت جعان".
على مدار سنين، قدرت سنيكرز تستغل عبارتها في إعلانات كتير، بحيث تكون هي الحل الوحيد لأي مشكلة يواجهها الجمهور، سواء على السوشيال ميديا أو في التلفزيون.
لكن ليه حملة Snickers مع Google كانت الأشهر والانجح؟ وإيه هي الاستراتيجية المستخدمة في الحملة؟ ده اللي هنعرفه في المقال.

بداية الحملة الذكية

في عام 2013 قررت Snickers إنشاء حملة تستهدف الموظفين في المكاتب.
ولأن أغلب الموظفين مش بيستخدموا السوشيال ميديا في أوقات العمل، اختاروا إن الحملة تكون على جوجل.
لاحظ الفريق التسويقي إن المستخدمين بيكتبوا كلمات غلط في محرك البحث بسبب السرعة أو الكيبورد أو حتى "الأوتوكوريكت".
بدل ما يعملوا إعلان تقليدي، قررت سنيكرز تستغل حاجة بتحصل يوميًا لملايين الناس: الأخطاء الإملائية.

مكونات الخلطة لحملة Snickers

بعد التعاون مع وكالة AMV BBDO و Mediacom، ومع دعم Google AdWords، انطلقت الفكرة من insight بسيط:
الجوع يخليك تغلط حتى في أبسط الأشياء.
ومن هنا ربطوا بين الشعار "أنت مش إنت وإنت جعان" وسلوك المستخدمين على جوجل.

قام فريق التسويق بجمع أكثر 500 كلمة شائعة يخطئ الناس في كتابتها، وولّدوا أكثر من 25,000 خطأ إملائي باستخدام خوارزميات خاصة علشان يستخدموها في الحملة.

كيف نجحت الحملة؟

بعد شراء الكلمات عبر AdWords، بدأ الإعلان يظهر كل مرة حد يكتب كلمة غلط، زي:

• restuarant بدل restaurant
  
  

• fotball بدل football
  
  

• bussniess بدل business
  
  

ويظهر إعلان سنيكرز مع رسالة قريبة من هويتهم:
"التقط لنفسك Snickers"

والموقع الخاص بالحملة يعرض جملة طريفة مثل:
“Yu cant spel properlie wen hungrie” (مش قادر تكتب صح وإنت جعان).

كده ربطوا فكرة إن الجوع يخليك تغلط بالشعار الأساسي للبراند.
وحسب ما نشر في Search Engine Watch، وصلت الحملة لـ500 ألف شخص خلال 3 أيام بس.

الاستراتيجية التسويقية

• مبنية على insights حقيقية: الكل بيغلط في الكتابة.
  
  

• مرتبطة بالعلامة التجارية: الغلط = نتيجة الجوع.
  
  

• خفيفة الدم: الفكاهة بتخلي الرسالة تعلق في ذهن الجمهور.
  
  

• Paid Search Strategy: المزايدة على الكلمات الخاطئة عبر AdWords.
  
  

• الإعلان: ظهر باسم مكتوب غلط "Snikkers" لجذب الانتباه.
  
  

• الموقع الإلكتروني: عزز الرسالة إن الجوع بيأثر على سلوكياتك وحتى كتابتك.
  
  

أهداف الحملة ونتائجها

• تعزيز وعي الجمهور بالشعار "أنت مش إنت وإنت جعان".
  
  

• الوصول بتكلفة أقل (الكلمات الغلط أرخص في المزايدة).
  
  

• انتشار واسع وسريع وصل لـ 500 ألف شخص في 3 أيام.
  
  

• نالت الحملة إشادة واسعة بسبب الربط الذكي بين الجوع والأخطاء السلوكية
  
  

3 دروس أساسية من الحملة

1. كل شيء يدور حول جمهورك: اعرف عاداتهم، روتينهم، وأخطائهم.
   
   

2. احترس من أن تنسى هويتك: اربط هويتك بمشكلة واقعية عند الجمهور.
   
   

3. اكتب رسالة بسيطة: البساطة أسرع طريق لقلوب الناس وعقولهم.
   
   

الخلاصة

أثبتت Snickers إن أبسط فكرة ممكن تتحول لأقوى وسيلة تسويق وتخلي البراند في الصدارة.

💡 شاركنا في التعليقات: إيه أكتر حملة تسويقية شفتها كسرت القواعد وخليتك معجب بيها؟

المصادر

• SearchEngineWatch

• Famous Campaigns

• Business Insider